** رئيس وحكومه تكنو اخوان **

ورينا انتوا مين
ولا هتفضلوا ساكتين
ياحكومه فاسده وكسلانه
قتلتوا الشباب الغلبانة
والمسئوليه تايهه
مابين الوزير وعمال الهيئه
ما بتتعلمش من اللي فات
مره عقارات عبارات قطارات
يا حكومه اموات
قلنا خليها كفاءات
مش معارف وانتمائات
انت رئيس عام
مش سيدنا الامام
دستوركم هش
وحكومه قش
جماعه بتغش
كل دقيقه بوش
يا حكومه ابليس
و دم اولادنا رخيص
قتلوا شباب مصر الحريه
في الميادين والاتحاديه
مهند انضرب بالنار
بايد ظالم جبار
جيكا مات
وحكومتك كلها اتهمات
قولي هتحكم مين
بعد اربع سنين
ما احنا هنكون ميتين
بدل ما تاخد بايدينا تعدينا
عمال تموت فينا
ملعون رئيس منتخب
الشعب في عهده ينتهك
يا حكومه سفاحه
دينا دين سماحه
قسمتوا البلد نصفين
هتروحوا بيها فين
يا حكومه امشي بقي
قبل ما نعلقلك المشنقه
علي الشباب اللي موتيهم
والاهالي اللي حرمتيهم
من ولادهم وضيعتيهم
العيب في مين يا اخوات
ومين هيدفع ثمن الاموات
ابكى ابكى يامصر على اللى فات
ورد الجنانين اتعذب ومات
مين هيشيل ذنب الاموات
وهتك عرض الصبيان والبنات
حامى بيلادى
هتك عرض اولادى
مات الحياء
من الالف الى الياء